សាលារៀន ប៊ី អុិចស្ពឺត

មណ្ឌលកណ្តាលសូមស្វាគមន៍

សាលា ប៊ី​ អុិចស្ពឺត  ត្រូវបានបង្កើតឡើងក្នុងឆ្នាំ ២០១៧ ក្រោមគំនិតផ្តួចផ្តើមរបស់លោក សាយ រ៉ានី្ន និងភរិយាជាទីស្រលាញ់របស់លោក គឺលោកស្រី ​រ៉ម​ ចាន់ណា ដែលអ្នកទាំងពីរបានស្ម័គ្រចិត្ត បម្រើលើវិស័យអប់រំ មានតួនាទីជាអ្នកគ្រប់គ្រង  អ្នកសម្របសម្រួលកម្មវិធី អ្នកបង្កើតកម្មវិធីសិក្សាទាំងក្នុងស្ថាប័នក្នុងស្រុក និងលើឆាកអន្តរជាតិអស់រយៈពេលជាង ២០ ឆ្នាំ។

គោលដៅចម្បងរបស់ប្តីប្រពន្ធមួយគូនេះ គឺដើម្បីបង្កើតសាលារៀនដែលមានបរិយាកាសសិក្សាពហុវប្បធម៌សម្រាប់កុមារ និងយុវជនក្រីក្រនៅតំបន់ជនបទនៃប្រទេសកម្ពុជា ជាមួយនឹងឆន្ទៈក្នុងការចូលរួមជាមួយរដ្ឋាភិបាលដើម្បីលើកកម្ពស់វិស័យអប់រំ និងសេដ្ឋកិច្ច ដើម្បីកាត់បន្ថយភាពក្រីក្រនៅកម្ពុជា។

សាលា ប៊ី អិិិុចស្ពឺត ផ្តល់សេវាអប់រំជាច្រើនផ្នែក ដកម្មវិធីសិក្សាភាសាខ្មែរចាប់ពីថ្នាក់ទី ១ ដល់ថ្នាក់ទី ៦ តាមស្តង់ដាររបស់ក្រសួងអប់រំ យុវជន និងកីឡាកម្ពុជាកម្មវិធីបណ្តុះបណ្តាលភាសាអង់គ្លេសចាប់ពីកម្រិតមត្តេយ្យសិក្សាដល់កម្រិតកម្រិតខ្ពស់ក្នុងស្តង់ដារបែបអង់គ្លេស ។ សាលាក៏ផ្តល់សម្ភារៈបរិក្ខារជាច្រើនដើម្បីកែលម្អបរិយាកាសសិក្សារបស់សិស្ស ឧទាហរណ៍ ថ្នាក់រៀននីមួយៗត្រូវបានបំពាក់ដោយសម្ភារៈសិក្សាទំនើបៗដូចជា កៅអី តុ ទូរទស្សន៍ ដែលមានភ្ជាប់ជាមួយអ៊ីនធឺណិត ដើម្បីធ្វើការសិក្សាស្រាវជ្រាវ ។ មិនតែប៉ុណ្ណោះយើងក៏មានបណ្ណាល័យ បន្ទប់កំព្យូទ័រ អាហារដ្ឋាន សួនកុមារ ការសិក្សាតាមវីដេអូ មណ្ឌលថែទាំសុខភាព និងកម្មវិធីបន្ថែមផ្សេងទៀត ដូចជាតន្ត្រី សិល្បៈ និងដំណើរកម្សាន្តទីកន្លែងប្រវត្តិសាស្រ្ត និង សកម្មភាពជាច្រើនទៀត ដើម្បីទទួលបានបទពិសោធន៍ជាក់ស្តែងក្នុងជីវិតពិត។ ដើម្បីធានាបាននូវគុណភាពសិក្សាយ៉ាងល្អឥខ្ចោះរបស់សិស្ស សាលាតែងតែយកចិត្តទុកដាក់ខ្ពស់ក្នុងការរក្សាទំនាក់ទំនងល្អរវាងសាលា និងឪពុកម្តាយ។

ជារៀងរាល់ខែ ក៏ដូចជាឆមាសនីមួយៗ កំណត់ត្រាសិក្សាតែងតែផ្ញើជូនមាតាបិតា ឬអាណាព្យាបាលរបស់ពួកគេ ដើម្បីឱ្យពួកគេធ្វើបច្ចុប្បន្នភាពអំពីវឌ្ឍនភាពនៃការសិក្សារបស់កូន ក៏ដូចជាកំណត់ត្រា វត្តមាន​របស់ពួកគេ និងការផ្លាស់ប្តូរអាកប្បកិរិយាដែលអាចកើតមាន។ សន្និសីទមាតាបិតាតែងតែធ្វើឡើងពីរដងក្នុងមួយឆ្នាំ ដើម្បីទទួលបានការយល់ដឹងល្អរវាងសាលា និងអាណាព្យាបាល។

គោលដៅអប់រំរបស់សាលា ប៊ី អ៉ិចស្ពឺត គឺផ្តល់ជូនសិស្សានុសិស្ស ទាំងអស់ទាំងកម្មវិធីភាសាអង់គ្លេស និងភាសាខ្មែរ ចំណេះដឹង និង ចំណេះធ្វើ ហើយលើស​ពី​នេះ​ទៅ​ទៀត ពួក​គេ​នឹង​មាន​អាកប្បកិរិយា​គួរ​សម ហើយ​នឹង​ក្លាយ​ជា​កូន​ល្អ សិស្ស​ល្អ និង​ជា​ពលរដ្ឋ​ល្អ​សម្រាប់​ប្រទេស ​នឹង​ជួយ​បង្កើត​ការ​អភិវឌ្ឍ​ជា​វិជ្ជមាន​សម្រាប់​ប្រទេស​ជាតិ នាពេលអនាគត។ យើងនឹងផ្តល់ភាពកក់ក្តៅដល់អ្នកជាមួយនឹងកម្មវិធីអប់រំដែលមានគុណភាពរបស់យើង។